<?xml version="1.0" encoding="UTF-8"?><song><author>Wm. Stevenson</author>
<hymn_number>77</hymn_number>
<title>Tonga indray re ny Noely FFPM77</title>
<lyrics>[V1]
 Tonga indray re ny Noely,
 Andro tsara sady soa ;
 Jeso Tompon'ny anjely,
 Nefa nietry tena koa.
 Indro tonga Zazakely,
 Ho sakaizanay tokoa,
 Sy hamory 'zay miely,
 Hody amin-dRainy koa !

[V2]
 He, ny fonay ravoravo,
 Ry Noely maminay,
 Fa ny Zanaky ny Avo,
 No nomeny ho anay,
 Mba hanarina ny lavo,
 Sady ho fiainanay ;
 Feno sy mitafotafo
 'Zany hasambaranay !

[V3]
 O ! ry androm-pamonjena,
 Arahaba, hianao !
 Olo-maro sesehena
 No mifaly aminao,
 Avy koa mba hitsena
 'Lay Mpamonjy soa 'zahay,
 Ka ny fonay no homena
 An'i Kristy Havanay !</lyrics>
</song>